Ливерпүүл болон Английн шигшээ багийн хагас хамгаалагч Алекс Окслэйд Чэмбэрлэйн бэртлийн улмаас ирэх улирлыг өнжих болсныг багийн менежер Юргэн Клопп албан ёсоор мэдэгдлээ.
Энэ жил 24 настай хагас хамгаалагчийн хувьл өнгөрсөн улиралд аваргуудын лигийн хагас шигшээд Роматай тоглох үеэрээ бэртэл авч талбайг орхисон юм. Уг өвдөгний бэртэл нь маш хүнд байсан тул тэрбээр дэлхийн аваргыг мөн өнжсөн нь харамсалтай.
Тэрбээр өнгөрсөн зун Арсеналаас Ливерпүүл рүү 35 сая фунтээр зарагдаж ирсэн билээ.
Түүний хагалгаа амжилттай болсон бөгөөд 6 сараас маш хурдан эдгэрч эхэлсэн байна. Гэвч Клоппийн хэлж буйгаар ирэх улиралд тоглоно гэдэг асуудалтай ажээ.