Европын шилдэг лигүүдийн 17/18 оны улирал дуусаж буйтай холбогдуулан хөлбөмбөгийн спортын талаар судалгаа хийдэг олон байгууллагууд тайлангаа зарлаж байна. Үүний нэг болох багуудын бредингийн үнэ цэнийг хэмжсэн судалгааг гаргадаг “Brand Finance”-ын гаргасан 2018 оны хамгийн үнэтэй 10 брендийг танилцуулж байна.
Жагсаалтад нийт 6 Английн баг, 2 Испани, 1 Герман, 1 Францын баг гэсэн нийт 10 байр эзэлсэн юм.
2018 оны жагсаалтыг Английн Манчестэр Юнайтэд клуб тэргүүллээ. Тэд энэхүү жагсаалтыг 2015 оноос хойш тасралтгүй тэргүүлж буй юм.
Энэхүү жагсаалтад хөлбөмбөгийн уламжлалын хувьд хамгийн баян улсуудын нэг Италийн лигээс нэг ч баг багтсангүй. Италийн хамгий үнэтэй баг нь Ювентус бөгөөд $605 сая үнэлэгдэж жагсаалтын 11 дүгээр байранд бичигдлээ.
Жагсаалтад хүч төрөн орж ирсэн баг нь “РБ Лэйпзэг” баг байлаа. Тэд 2017 онд жагсаалтын 45 дугаар байранд бичигдэж байсан бол 2018 онд 16 дугаар байранд бичигдсэн нь олон хүнийг гайхшрууллаа.
