Шуум

М.Феллайни шинэ гэрээний талаар ярилцаж эхэллээ

Марокко гаралтай Бельги хагас хамгаалагч М.Феллайни багтайгаа шинэ гэрээ байгуулах талаар ярилцаж эхэллээ. Түүний Манчестэр Юнайтэд клубтэй хийсэн гэрээ ирэх зун дуусгавар болж буй юм. Үүнтэй холбоотойгоор түүнийг багаас явна, түүнийг зарна гэх мэдээлэл тархаад байсан билээ.

Дасгалжуулагч Жосе Моуриньо М.Феллайниг багтаа үлдээх хүсэлтэйгээ удаа дараа хэлж байсан нь гэрээний сунгалт хийх гол шалтгаануудын нэг болж байна.

Өдгөө 30 настай 194см буюу харьцангуй өндөр нуруутай хагас хамгаалагч сүүлийн улирлуудад бэртэл гэмтлийн асуудлаас болж тоглолтуудад оролцож чадахгүй байгаа юм.

Тэрбээр 2013 онд Эвэртон клубээс дасгалжуулагч Дэвид Моёсын хамтаар Манчестэр Юнайтэд клубд ирж байсан юм. Түүний төлөө Манчестэрийн удирдлагууд 27.5 сая паунд төлж байлаа.

М.Феллайни улаан өмсгөлтэй 5 улирал тоглохдоо 145 тоглолтод оролцож 19 гоолыг оруулаад байгаа юм.

WASHINGTON, DC – JULY 24: (EXCLUSIVE COVERAGE) Manager Jose Mourinho of Manchester United speaks to Marouane Fellaini, Romelu Lukaku, Paul Pogba and Henrikh Mkhitaryan during a first team training session as part of their pre-season tour of the USA at Shaw Field on July 24, 2017 in Washington, DC. (Photo by John Peters/Man Utd via Getty Images)